Shir looga hadlayey la xisaabtanka 157 shirkadood oo aan bixin canshuurta oo...

Shir looga hadlayey la xisaabtanka 157 shirkadood oo aan bixin canshuurta oo ka dhacay Garoonka Aden Cade

113
0

Muqdisho, 06, July, 2017…..Shir balaaran oo lagu wargalinayey bixinta canshuuraha in kabadan 157 shirkadood oo isugu jira Ajaanib iyo Soomaali oo ku dhex ganacsada xerada Xalane ayaa lagu qabtay garoonka Aden Cade. Waxaan shirka ka soo qayb galay Wasiirka Maaliyadda XFS, Wasiiru dowlaha Maaliyadda, Wasiirka Shaqada iyo Shaqaalaha, Wasiirka Warfaafinta, Wasiirada Ganacsiga, Wasiirka Gadiidka Cirka iyo Dhulka, Wasiirka Howlaha Guud iyo Guryeeynta. Iyo Wasiirada Dekedaha.

Ugu horeyntii Wasiirka Maaliyadda XFS mudane Cabdiraxman Ducaale Bayle ayaa soo bandhigay alaabo ka kooban raashin, Mac-macaan, Khudrad iyo Caano oo ay shirkadaha ka shaqeeyaa Xalane ay canshuur dhaaf ku soo galiyeen dalka.

“Waxaan haynaa  cadaymo kala duwan oo muujinaya in  raashin, mac macaan, khudaar, iyo caano ay keenaan shirkadahaan saldhiga u ah xerada Xalane, waxaana dalka lagu soo galiyaa canshuur dhaaf, waxaana loo soo dhaadhicyaa suuqyada dalka, waan sharci daro, waxayna culays ku tahay ganacsatada Soomaaliyeed ee bixisa canshuurta” ayuu yiri Wasiir Bayle.

Dhanka kale Wasiiru dowlaha maaliyadda Maxamud Xayir Ibraahim ayaa sheegay in uusan shirkaan ahayn aqoon is weydaarsi iyo kulan iska caadi ah, ee uu yahay kulan lagula hadlayo shirkadaha shisheeye iyo kuwa Soomaaliada ah ee dagan gudaha Xalane, wuxuuna wasiirku si adag u sheegay in shirkaan uu yahay mid loogu cadynayo shirkadahaan in ay bixyaan canshuurta ku waajibtay.

Wasiirka Warfaafinta oo saxaafada la hadlay  markuu shirku soo idlaaday ayaa yiri “Waxaa dowladu faraysaa dhamaan shirkadaha ka howl gala garoonka diyaaradaha in ay bixiyaan  canshuurta ku waajibtay, arinkaana uu daba socodo go’aankii madaxda qaranka oo ahaa in dalka uu ka dhaco isla xisaabtan iyo hufnaan, hadana laga si aan ganbasho lahayn ugu wargalinayno bixinta canshuuraha ku waajibtay, hada kadibna cidna  laga aqbalayn in arinkaan uu sii socdo, isla markaana uusan  jirin qof ka sareeya sharciga.

Wasiirada ka soo qayb galay kulankaan ayaa cabasho weyn soo hordhigay shrikadaha ganacsiga ku dhex leh xerada xalane, waxaana ka mid ahaa shaqaale faro badan oo jaanib ah oo qabta shaqooyinkii ay qaban karaan  Soomaalida, qaar aan haysan ruqsad shaqo, Ganacsiga aan ka diwaan gashanayn wasaaradda ganacsiga, shirkado dhismo oo aan la ogayn dhulka ay dhisaan xiriirna la soo samayn Wasaaradda Howlah Guud iyo Guryeeynta, iyo Wasiirka maaliyadda oo ka soo jeediyey shirka cabsho xoog leh oo ku aadan in shirkadahaas marka laga reebo 9 shirkadood mooyee intooda kale aysan bixin canshuur.

Shirkii Xalane 1 Shirkii Xalane 2 Shirkii Xalane 3 Shirkii Xalane 4 Shirkii Xalane 5 Shirkii Xalane 6 SHirkii Xalane 7 Shirkii Xalane 8 Shirkii Xalane 9

NO COMMENTS

LEAVE A REPLY